«Сыл эр киһитэ-2021» бириэмийэ «Сыл режиссера» анал аатыгар Саха сириттэн сылдьар Дмитрий Давыдовы туруордулар.
Саха режиссера «Пугало» киинэтин иһин куоластааһыҥҥа киллэрдилэр.
Саха режиссерун кэккэ, GQ сурунаал «Сыл режиссера» анал аат испииһэгэр – Олег Трофимы («Майор Гром: Чумной доктор»), Алвис Херманиһы(«Горбачев» испэктээкил), Илья Найшуллеры («Никто») уонна Данила Козловскайы («Чернобыль») киллэрдэ.
Куоластааһын GQ сурунаал саайтыгарыытыллар.
«Сыл эр киһитэ-2021» бириэмийэҕэ уон анал аат киирэр, онно бүтэһик сыл иһигэр баар ыарахаттарга бэриммэккэ, үрдүк ситиһиилэммит артыыһы, музыканы, бизнесмены, спортсмены уо. д.а. атын биллиилээх эр дьону GQ сурунаал бэлиэтиир.
Дмитрий Давыдов уһулбут «Пугало» киинэтэ Россия киинэ тыйаатырдарыгар олунньу 25 күнүгэр тахсыбыта. Сүрүн оруолу Саха сирин үтүөлээх артыыһа Валентина Романова — Чыскыырай толорор.
Киинэ бүтүн Россиятааҕы «Кинотавр» киинэ бэстибээлгэ сүрүн бирииһин кыайбыта. Владивостокка ыытыллыбыт «Чуумпу меридианннара» («Меридианы Тихого») 18–с аан дойдутааҕы киинэ бэстибээлин көрөөччү биһирэбилэ бирииһин ылбыта.
«Пугало» киинэ Норвегияҕа Tromso International Film Festival «Вера в кино» бириэмийэнэн наҕараадаламмыта. «Белый слон» национальнай бириэмийэҕэ «Бастыҥ режиссер үлэтэ», «Бастыҥ дьахтар оруола» икки анал аакка кыайбыта.
GQ — 1957 сыллаахтан АХШ-ка төрүттэммит, английскай тылынан ый аайы тахсар эр дьон сурунаала. Оттон Россияҕа 2001 сылтан тахсар. Бу муодаҕа уонна стильгэ анаммыт сурунаал.