Норуот уус-уран оҥоһуктарын айан-тутан таһаарыыга санкция эмиэ дьайбыта бэлиэтэнэр, оттон Саха сирин уустара дьарыктарын утумнаахтык салгыыллар.
Ол курдук, Хатас олохтооҕо Александр Терентьев — Айгын Уус норуот төрүт үгэһин үйэтитэн, арҕаа дойдулар атахтыы сатыыр кэмнэригэр, саха быһаҕын оҥоһуутунан утумнаахтык дьарыктанар.
«Олоҕурбут балаһыанньаҕа улаханнык хаарыйтарыахпыт дии санаабаппын. Россия иһигэр баар матырыйаал кэлии матырыйаалтан итэҕэһэ суох. Уустар сүрүн сорукпут — саха тимирин бренд быһыытынан тарҕатыы», — диэтэ Александр.