Сунтаарга «Диаданс» акробатическай студия быйыл тохсус сылын үлэлиир. Бу кэмнэр устата элбэх күрэхтэргэ, фестивалларга кыттан өрөспүүбүлүкэ, Россия чемпионнара уонна призердара. Бу соторутааҕыта Москва куоракка ыытыллыбыт «Рождественские звезды» күрэххэ 35 хамаандаттан иккис миэстэни ситиһэн кэллилэр.
Салайааччы Айгуль Аширбекова тренер быһыытынан ирдэбиллээх, сатабыллаах буолан биэс ый иһигэр оҕолор бэрээдэккэ үөрэннилэр, хамсаныылары түргэнник ылыналлар. Ону таһынан, киэҥ сирдэринэн тэлэһийэн, сайдаллар, инникигэ сыаллаах буолаллар. Улуус дьаһалтата оҕолору өйөөн Москваҕа барар-кэлэр бырайыастарын толору уйунан улахан көмөнү оҥордо.
Быйыл сатабыллаах салайааччы «Педагогическая нить» диэн бу эйгэҕэ улахан бэлиэни иккис төгүлүн ылла. Инникитин да өссө үрдүк ситиһиилэри баҕарабыт.
Сунтаар улууһун дьаһалтатын пресс-сулууспата