Сунтаар улууһугар Күннэй Петрова оҥорон таһаарбыт куукулаларын «Удьуор Утума» быыстапката үлэтин саҕалаата.
Күннэй бастакы куукулата «Девушка на базаре» буолар. Онтон Кыыл Уолун «Оһуор» ансаамбылыгар сылдьыбыт ийэлээх аҕатын куукула гынан үйэтитэн билигин уонча куукулалаах.
Кини маны таһынан уруһуйдьут, олус кичэллээх иистэнньэҥ, бу барыта ийэтиттэн, аҕатыттан утумнаммыт.
Тэрээһиҥҥэ ыраахтан-чугастан олус элбэх киһи тоҕуоруһа түмсэн Күннэй айар эйгэтин, уран оҥоһуктарын көрөн сэргээтилэр.
Бу дьоро күн киниэхэ «Сунтаар улууһун норуотун маастара» үрдүк ааты иҥэрдилэр.
