🏹 Ахсынньы 18-20 күннэригэр төрүт оҕунан (уһуктаахха) ытыыга өрөспүүбүлүкэ чемпионата буолан ааста. Тааттаттан 6 спортсмен кыттыыны ылла. Түмүккэ Ульяна Чупрова 3 миэстэ буолла.
Ахсынньы 22 күнүгэр «Кубок сильнейших» күрэхтэһии тэрилиннэ. Сыл устата рейтиннээх турнирдарга кыттан Ольга Кусатова, Виктор Тистяхов, Прокопий Моттуев, Гаврил Вырдылин 16 иһигэр киирдилэр. Күрэхтэһии икки түһүмэҕинэн ааста. Бастакы түһүмэххэ Прокопий Моттуев 84 очко ылан СӨ спордун маастарын нуорматын, Гаврил Вырдылин 67 очко ылан СӨ спордун маастарыгар кандидат нуорматын толордулар. Иккис түһүмэххэ спарринг буолла. Түмүккэ эр дьоҥҥо Прокопий Моттуев 2 миэстэ, Гаврил Вырдылин 3 миэстэ буоллулар. Ааһан эрэр 2024 сыл Таатта хамаандатыгар ситиһиилээхтик ааста.
Источник: https://t.me/taattagazeta/27032