Атырдьах ыйын 14
күнүгэр Хаҥалас улууһун «Улуу Тоҕой» этнокультурнай комплексыгар киэһээҥи
автопаркинг арыллыаҕа. Бу туһунан «Якутия 24» ханаал иһитиннэрэр.
«Атырдьах ыйын 14-15 күннэригэр «Наахара» сахалыы кутталлаах киинэ көстүөҕэ. Автопаркинг балаҕан ыйын бүтүүтүгэр диэри, хас нэдиэлэ ахсын субуотаҕа уонна бээтинсэҕэ үлэлиэҕэ», — диэн бырайыак тэрийээччилэрэ иһитиннэрэллэр.
Көстөр киинэлэри «Сахафильм»
хампаанньа хааччыйыаҕа. Көрдөрүү киэһэ 21:00 чаастан саҕаланыаҕа. Парковка
10-15 массыына турарыгар учуоттанна, биир массыына турар миэстэтин сыаната 700
солкуобай.
Тыас-уус автомодулятор
нөҥүө холбонуоҕа, онон массыынаҕа Fm-приемник баар буолуохтаах. Экран кээмэйэ 5×10.