Айылҕаттан бэриллибит норуот ырыаһыта, ССРС суруйааччыларын чилиэнэ С.А.Зверев-Кыыл Уола «Тойук» диэн айымньытын суруйан хаалларбыта. Кини биллиилээх композитор Марк Николаев-Жирков айар бөлөҕөр киирсэн Москва куоракка тиийбитэ. Ырыа-тойук төрөөбүт буор ахтылҕаныттан, ийэ-оҕо тапталыттан, уйан кут көҥүлгэ талаһыытыттан саҕаланар. Төрүт дорҕоон умсугутар күүһэ хас биирдии саха киһитигэр тойук, олоҥхо, оһуохай, ырыа нөҥүө бэриллэр.
Сэтинньи 30 күнүгэр Саха сирин тойуксуттарын туһунан «Кылыһахтаах тойук дуорайа туруохтун» диэн саҥа кинигэ сүрэхтэниитэ буолуохтаах. Кинигэҕэ тойук историята уонна тойукка сыһыаннаах тиэмэлэр киэҥник сырдатылыннылар.
Тойук туһунан уонна да атын ыйытыыларга сыһыаннаах этиилэри, элбэх санааны иһиттибит.