Саха өрөспүүбүлүкэтин быысапкаламмыт каартатын уус-уран оҥоһук маастардара Туймаада Ыһыаҕар билиһиннэрдилэр.
Аахсыйаҕа өрөспүүбүлүкэ араас муннугуттан 60-тан тахса маастар кыттыбыт. Кинилэр муус устар 27 күнүттэн бэс ыйын 1 күнүгэр диэри Саха сирин төрүт оһуордарын, бэлиэлэрин туттан олорор улуустарын каартатын уонна гербэтин илиинэн тикпиттэр.
«Саха сиригэр олорор норуот култууратын, үгэһин, олоҕун ойуулуур быысапкаламмыт каарта илиинэн тигилиннэ. Каартаҕа төрүт уус-уран култуурунай нэһилиэстибэ, төрүт таҥас, олорор дьиэ, сиэр-туом тэрилэ, айылҕа баайа, кыыл-сүөл арааһа ойууламмыт», — диэн «Симэх» уус-уран оҥоһуктар уонна норуот искусствотын национальнай киинэ кэпсээбит.
Ону таһынан, аахсыйа түмүгүнэн бастыҥ үлэни оҥорбут кыайыылаахтары быһаарбыттар — Людмила Жиркова салайааччылаах «Сомоҕолоһуу» айар түмсүүтэ.