Өйдүүргүт буолуо, урут сандалыбыт мааны аһынан ыраахтан кэлбит ас буолара. Оттон билигин атын – бэйэ аһа инники күөҥҥэ таҕыста. Бэйэбит үүт, эт аспытын сыаналыыр, күндүргэтэр буоллубут. Уонна биһиэхэ курдук иҥэмтэлээх, доруобуйаҕа туһалаах ас ханна да суоҕун өйдөөтүбүт. Хайа да дьаҥы утары охсуһар күүһү, кыаҕы оҕо эрдэхтэн аһыыр бэйэлээх бэйэбит аспыт биэрэр.
Бу аспыт тэнийэрин, тупсарын туһугар күннэтэ үлэлиир дьон биһиэхэ ыалдьыттаатылар. Саха сирин курдук тыйыс сиргэ сүөһүттэн, сылгыттан хайдах элбэх эти-үүтү ылыахха сөбүй? Итиниэхэ 70 сыллаах үлэ түмүктэрэ хайдаҕый? Уонна племенной үлэҕэ ыытыллар билиҥҥи бэлиитикэ туһунан кэпсэттибит.