Ахсынньы 8 күнүгэр, Уруһуйдьут күнүгэр, Ц.С. Сампилов аатынан уруһуй түмэлигэр Саха сирин талааннаах худуоһунньугун «Око видит далёко» быыстапкатын үөрүүлээх арыллыыта буолла.
Манна өрөспүүбүлүкэ бочуоттаах дьоно-сэргэтэ, Бурятия худуоһунньуктара, ыҥырыылаах ыалдьыттар кыттыыны ыллылар.
Үөрүүлээх күнүнэн Бурятия култууратын министиэристибэтин, Худуоһунньуктар Сойуустарын, Бурятия национальнай түмэлин уо.д.а.аатыттан эҕэрдэлээтилэр.
Быыстапка Ил Дархан Айсен Николаев уонна Бурятия култууратын министиэристибэтин өйөбүлүнэн ыытыллар.
Мира Аргунова — Россия уруһуйдьуттарын Сойууһун чилиэнэ, живопись уонна графика норуоттар икки ардыларынааҕы куонкурустарын лауреата уонна дипломана. Култуура уонна искусство Арктическай судаарыстыбаннай институтун “Станковая живопись” салаатын кыһыл дипломунан бүтэрбитэ.
Худуоһунньук хартыыналара 63 араас таһымнаах быыстапкаҕа, ол иһигэр Великобританияҕа, АХШ, Турцияҕа уонна Монголияҕа турбуттара.
Хаартыска: Бурятия Национальнай т8мэлин пресс-сулууспата