Төрөөбүт дойдуга бэриниилээх буолуу — эһээлэрбит кэриэстэрэ. Хомойуох иһин сыл-хонук аастаҕын аайы Улуу Кыайыы суолтатын намтата сатааһын, исторяины токурутуулар мөкү сыаллаах кэккэлэргэ баар көстүүлэр буолаллар. Маны төрдүттэн бопсорго дойду таһымыгар бырагыраамалар, хамсааһыннар үлэлииллэр, модун күүстээх Ийэ дойдубутугар киһи -киһитэ буолан иитиллэн тахсыы үтүө, төһүү күүһэ буолла. Икки сыллааҕыта үөрэхтээһин министиэристибэтин сакааһынан ыытыллыбыт социологическай чинчийии түмүгүнэн 57,5% дойдубут ыччата патриотизм диэн өйдөбүлү тоҕоостоох түгэҥҥэ Ийэ дойду көмүскэлигэр туруу диэн саныыллар эбит. Чинчийиини ыытааччылар ыччакка патриотизмы иитии тыла уларыйбытын бэлиэтээбиттэр, ол аат Аҕа дойду Улуу сэриитигэр кыайыы суолтатын тиэрдии халыыба аныгылыы буолуохтааҕын туһунан этэн тураллар. Бу туһунан сиһилии биэриигэ көрүҥ.
