Саха сирин ырыаһыта Умсуура «Громче»бүтүн Россиятааҕы куонкурус финалыгар киирдэ. Бу туһунан Эстрада театрын пресс-сулууспата иһитиннэрэр.
«»Громче» бүтүн Россиятааҕы куонкурус финалыгар уопсайа 71 регионтан ырыаһыттар кытыннылар. Финалга түөрт ырыаһыты таллылар, ол иһигэр Саха сириттэн Умсуура «Мохсоҕоллоох» диэн ырыатынан киирдэ», — диэн иһитиннэриигэ этиллэр.
Ону тэҥэ финалга Амур уобалаһыттан Василиса Забияко, Башкортостантан Загир Зайнетдинов уонна Москва уобалаһыттан Виктория Белова киирдилэр.
Фолк-музыка хайысха араас истиилигэр барыта холбоон 465 үлэ киирдэ.
Кыайыылаах норуоттар икки ардыларынааҕы таһымнаах музыкальнай хампаанньаны кытта контракт түһэрсэр.
Өссө биир кыайыылааҕы куоластааһын көмөтүнэн быһаарыллар.
Кыайыылаахтар сэтинньи 12 күнүгэр биллэриэхтэрэ.