Тохсунньу 24 күнүгэр ырыаһыт Валерий Меладзе Дьокуускайга көтөн кэллэ. Кини бүгүн «Мисс Республика Саха (Якутия) — 2020» куонкурус финалыгар ыллыаҕа.
Тэрээһин олохтоох бириэмэ 19.00 чааһыгар «Триумф» спорт уораҕайыгар буолуоҕа.
Куонкурус кыайыылааҕа үрүҥ көмүс хоруонаны уонна квартираны ылыаҕа. Иккис миэстэҕэ — массыына, үһүскэ — путевка бирииһинэн наҕараадаланыахтара.
Санатан эттэххэ, «Мисс Республика Саха (Якутия) — 2020» куонкурус хоруоната тохсунньу 18 күнүгэр сүрэхтэммитэ. Ювелирнай оҥоһук үрүҥ көмүстэн кутуллубут, бриллиант, хромдиопсид уонна фианит таастардаах. Барыта холбоон 1,8 тыһыынча таас туттуллубут.