Өрөспүүбүлүкэтээҕи Үүнэр көлүөнэ тыйаатыра Еврейскэй автономнай уокурук Биробиджан куоратыгар айанныаҕа. Бу туһунан тэрилтэ пресс-сулууспата иһитиннэрэр.
Гастрол «Оҕолорго уонна ыччакка улахан гастроллар» бырагыраама чэрчитинэн тэриллэр. Манна 2021 сыллаахха Үүнэр көлүөнэ тыйаатыра РФ культураҕа министиэристибэтин уонна «РОСКОНЦЕРТ» бэстибээлин бырагырааматын өйөбүлүнэн киирбитэ.
Тэрээһин муус устар 3-10 күннэригэр «Кудесник» куукула тыйаатырын сыанатыгар ыытыллыаҕа. Тыйаатыр Екатерина Ткачева «Мин кыра таҥарам» уонна Александр Пушкин «Балыксыт уонна балык туһунан остуоруйа» испэктээкиллэри туруоруоҕа.
Туруоруу режиссерунан Саха сирин искусствотын үтүөлээх деятелэ Александр Титигиров буолар.