Таатта улууһун Томтор сэлиэнньэтигэр норуот култууратын комплексын тутуута 2022 сылга түмүктэнэрэ былааннанар.
Бу туһунан Ил Дархан Айсен Николаев Ил Түмэҥҥэ анал этиитин кэмигэр иьитиннэрдэ.
«Саха АССР төрүттэммитэ 100 сылынан өрөспүүбүлүкэҕэ култуура эйгэтин салаата, хайысхата сайдыаҕа. 2022 сылга Таатта улууһун Томтор сэлиэнньэтигэр Борис Неустроев-Мандар Уус бырайыагынан норуот култууратын комплексын тутуу түмүктэниэҕэ. Билиҥҥи туругунан, сүрүн эбийиэк — ураһа турда», — диэтэ кини.
2020 сыл түмүктэниэр диэри Майа сэлиэнньэтигэр култуура киинэ уонна Бүлүүгэ култуура дыбарыаһа аһыллыахтара. 2021 сылга Эдьигээҥҥэ норуот култууратын киинэ, Ньурбаҕа драмтеатр, Зырянкаҕа спорт комплекса үлэҕэ киириэҕэ.
«Өрөспүүбүлүкэ үбүлүөйүнэн Нам улууһун Нам сэлиэнньэтигэр, Таатта Чөркөөҕөр, Үөһээ Бүлүү Харбалааҕар култуура кииннэрэ тутуллуоҕа. Кинилэргэ Саха сирин чулуу дьонун — Былатыан Ойуунускай, Исидор Барахов уонна Максим Аммосов ааттара иҥэриллиэҕэ», — диэтэ Айсен Николаев.