РФ бэрэсидьиэнэ Владимир Путин көҕүлээбит «Култуура» национальнай бырайыак чэрчитинэн, Ленскэйдээҕи норуоттар айымньыларын уонна сынньалаҥ Киинигэр 44 миэстэлээх саҥа киинэ саалата аһылынна. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Киинэ саалата РФ киинэ Пуондатын өйөбүлүнэн биэс мөлүйүөн солкуобай суумалаах федеральнай үп суотугар аһылынна. Саалаҕа саҥа экран, NEC лазернай киинэ көрдөрөр кэмпилиэк, цифровой сервер, аныгы Dolby тыас-уус систиэмэтэ уонна киинэ билиэтин систиэмэтэ турда.
Ил Дархан Айсен Николаев @nikolaev_aisen куорат олохтоохторун саҥа киинэ саалатын аһыллыытынан эҕэрдэлээтэ.
«Билигин бары куораттарга уонна оройуон кииннэригэр киинэ тыйаатырдара бааллар. Салгыы олохтоохтор улахан экраҥҥа киинэ көрөр кыахтаналларын туһугар, тыа сирин кулууптарын, култуура дьиэлэрин киинэ аппаратуратынан хааччыйар былааннаахпыт», — диэтэ кини.
Өрөспүүбүлүкэ салайааччыта иһитиннэрбитинэн, саха киинэтин өйөөһүн 2021 сылга эмиэ ыытыллыаҕа, историко-документальнай уонна култуура-история киинэлэрэ өрөспүүбүлүкэ 100 сылыгар анаан тахсыахтара.