Дмитрий Давыдов «Чуучала» («Пугало») хартыыната бүтүн Россиятааҕы «Кинотавр» киинэ бэстибээлин сүрүн бирииһин хаһаайына буолла.
Сүрүн оруолу толорбут Саха сирин үтүөлээх артыыһа Валентина Романова — Чыскыырай бастыҥ дьахтар оруола бирииһин ылла.
«Мин олус соһуйдум. Саха киинэтэ бастакытын кытынна уонна Гран-при буолла, Биһиги соһуйдубут, долгуйдубут», — диэн наҕараада ыла туран режиссер бэлиэтээтэ.
Киинэ сүрүн дьоруойа — түөрт уончалаах, дьонтон-сэргэттэн тэйиччи олорор, эмчит дьахтар. Дьон чугаһыы сатаабат эрээри, ураты күүһүгэр эрэнэн эмтэнэ кэлэр.
Россиятааҕы Киинэни салайааччылар гильдиялара уонна киинэ кириитиктэрэ тэрилтэ, «Чуучала» («Пугало») хартыынатаҕа Даниил Дондурей аатынан бирииһи туттарда.