Өрөспүүбүлүкэтээҕи Үүнэр көлүөнэ тыйаатыра саҥа
сезоҥҥа бэлэмнэниитин саҕалыаҕа. Бу туһунан тэрилтэ пресс-сулууспата
иһитиннэрэр.
Бэлэмнэнии балаҕан ыйын 15 күнүттэн сөргүтүллүөҕэ.
Билигин Александр Титигиров
туруоруутугар Борис Васильев «А зори здесь тихие» испиктээкилигэр, Антон Ботаков туруоруутугар «Домовой и
хозяйка» остуоруйатыгар бэлэмнэнии онлайн-эрэһииминэн
ыытыллар.
«Балаһыанньа көннөҕүнэ, тыйаатыр алтынньы ыйтан
толору үлэлээн саҕалыаҕа. Сэтинньи ыйга Хабаровскай куоракка Уһук Илиҥҥи
тыйаатырдар иккис фестивалларыгар Динислам
Тутаев туруоруутугар Антон Чехов «Три сестры» испиктээкилинэн кыттары
былаанныыбыт», — диэн иһитиннэриигэ этиллэр.
«Большие гастроли» диэн РФ Култууратын министиэристибэтин
бырайыагын чэрчитинэн, Биробиджан куоракка Екатерина
Ткачева туруоруутугар «Мой маленький бог» испиктээкилинэн айан былааннанар.
Маны таһынан, ахсынньы ыйга Улуу Кыайыы 75 сылыгар аналлаах «Вечно живые» испиктээкил
премьерата буолуоҕа. Уоннар улуустарынан гастроллар тэриллиэхтэрэ.
Санатар буоллахха, А.С. Пушкин аатынан нуучча
тыйаатыра балаҕан ыйын 18 күнүгэр сезону арыйыаҕа.