Уус Алдан улууһун олохтооҕо Мариса Васильева 800 ырыанньыктаах мунньуулаах. Манна ноталаах ырыанньыктар, мелодистар тустарынан ыстатыйалар, музыкальнай сувенирдар бааллар. Мантан улахан аҥара бүгүн национальнай библиотекаҕа дьон көрүүтүгэр турда.
Коллекция хаһаайката үйэтин-сааһын тухары Уус Алдан Лөгөй нэһилиэгэр буҕаалтырынан үлэлээбитэ. Бэйэтин өйдүөҕүттэн, өрүү ырыа аргыстаах сылдьар.
«Бу наһаа сэдэх ырыанньык эбит. Оннооҕор Чөркөөх түмэлин үлэһиттэрэ көрөн баран сөхпүттэрэ», — диэн сэдэх ырыанньыктарыттан биирдэстэрин туһунан Мариса Васильева кэпсиир.
«Ырыа — олох аргыһа» диэн быыстапка ахсынньы 13 күнүгэр диэри үлэлиэҕэ.