А.И. СОФРОНОВ-АЛАМПА иэйиитэ-куойуута, тапталын таҥарата, дьолун-сорун төрүөтэ буолбут Евдокия туһунан тугу билэҕитий? Бука, кини өлөөрү сытар поэт көрдөһүүтүн ылынан саатар түннүгүн аннынан ааспатаҕын туһунан билэр буолуохтааххыт. Киниэхэ анаммыт хоһооннор долгуппут түгэннэрэ бааллара буолуо…
Ол эрээри Саха поэзиятын ҮРҮҤ ТУЛЛУГА аатынан үйэлэргэ хаалбыт кэрэ дьахтар туһунан өйдөбүлбүт улуу суруйааччыбыт олоҕо уонна айар үлэтэ үөрэтиллэрин-чинчийиллэрин тухары өссө кэҥээн, байан иһэр. Кини уустук дьылҕатыгар саҥа арыйыылар тустарынан тыл-өс билимин дуоктара, бэрэпиэссэр, аламповед Валентина СЕМЕНОВА кэпсээнин сэргээҥ.
