РФ Уһук Илин уонна Арктика сайдыытыгар миниистирэ Алексей Чекунков Максим уонна Евгения Арбугаевтар «Выход» диэн киинэлэрэ «Оскар» бириэмийэҕэ «Бастыҥ кылгас документальнай киинэ» диэн анал аат иһин киирсэр кыахтаммытын бэлиэ түгэнинэн биллэрдэ.
«Саха киинэтэ Оскарга диэри ситтэ. Билигин бириэмэтэ табыгаһа суох эрээри, өскөтүн американскай киинэ академията сөптөөхтүк дьүүллээтэҕинэ, бириэмийэни Саха сиригэр биэриэхтээхтэр. Режиссердар — Тикситтэн төрүттээхтэр, киинэ Чукотка туһунан уһуллубут. Биһиги историябыт. Онно баар олох хайа баҕар киинэттэн күүстээх. Бу аан дойду таһымыгар ураты көрүүлээх үлэ буолар», — диэн Telegram ситимигэр Алексей Чекунков суруйбут.
Кини Саха сирин креативнай индустрията дьоһуннаах үрдэлгэ тахсыбытын, итиэннэ айар-тутар дьоҥҥо анаан судаарыстыбаннай көмөлөр көрүллэллэрин бэлиэтээтэ.