Олунньу 12 күнүгэр өрөспүүбүлүкэҕэ сэттис төгүлүн «Сахалыы диктант» ыытыллыаҕа. Бу туһунан СӨ Култуураҕа уонна духуобунай сайдыыга министиэристибэтин пресс-сулууспата иһитиннэрэр.
2014 сылтан бу акция Төрөөбүт тылга, сурукка-бичиккэ аналлаах декада чэрчитинэн сахалыы таба суруйуу үөрүйэҕин олохсутар, иҥэрэр сыаллаах ыытыллар.
Өрөспүүбүлүкэҕэ эпидимиологическай балаһыанньа уустугунан онлайн көрүҥүнэн ыытыллар. Сахалыы диктаны Национальнай библиотека олунньу 12 күнүгэр 11.00 чаастан Zoom-ҥа уонна YouTube-ка ыытыаҕа.
Zoom-ҥа кыттар дьон 8(4112)455-855 нүөмэргэ эрийэн суруттараллар. Кыттааччылар диктант суруйан баран үлэлэрин тэрийээччилэргэ ыыталлар.
Ону тэҥэ төрөөбүт тылы төһө билэллэрин, сахалыы төһө таба суруйалларын бэрэбиэркэлэниэн баҕалаахтар YouTube-ка киирэн суруйуохтарын сөп. Диктант тиэкиһин nlrs.ru саайтка угаллар.