Арктическай судаарыстыбаннай култуура уонна искусство институтугар саха тылын уонна сурук-бичик күнүнэн «Сурук-бичик» диэн быыстапка арыллыбыт.
Экспозицияҕа «Цифровой-графическай дизайн» салаатын устудьуоннара оҥорбут сахалыы шрифт аныгылыы ис-хоһоонун көрүөххэ сөп. Салайааччы — ойууһут-дизайнер Сардана Иванова. Бу үлэлэр курсовой бырайыак буолаллар.
«Шрифтар аны инникитин киэҥ эйгэҕэ сувенирдарга, бэчээт бородууксуйаларыгар туттуллуохтарын сөп буолуоҕа. Ол үлэлэри АГИКИ устудьуоннарын ааптарыскай ааттарын учуоттаан бренд оҥоруохтара», — диэн дизайн уонна декоративнай уус-уран искусство хаапыдыратын салайааччыта Анна Петрова-Кэрэһит эттэ.
Ону тэҥэ экспозицияҕа ааспыт сыл алтынньытыгар ситиһиилээхтик тэриллибит «һөҕүҥ» быыстапка кыттааччыларын уонна устудьуоннарын үлэлэрэ турбуттар.