«Созвездия Арктики» норуоттар икки ардыларынааҕы ырыа бэстибээл-куонкуруска кыттааччылартан 308 сайаапка киирбит, ол иһигэр тас дойдулартан сайабылыанньалар киирбиттэрэ бэлиэтэнэр. Бу туһунан АГИКИ пресс-сулууспата иһитиннэрэр.
«Быйыл географиябыт кэҥээтэ. Саамай сүрүн категория норуодунай-инструментальнай толоруу — баян, аккордеон, домра, балалайка уонна гитара, ону тэҥэ вокалистар, манна эстраднай да, академическай иккиэн киирэллэр. Композитордартан олус элбэх сайаапка киирбитэ биһигини соһутта», — диэн тэрээһин тэрийээччитэ эттэ.
Куонкуруска Урал, Приморье, Москва, Рязань, Ярославль уонна да атын куораттар уонна регионнар музыканнар кыттыахтара.
«Созвездия Арктики – 2023» куонкуруһу Арктикатааҕы култуура уонна искусство судаарыстыбаннай института РФ Үөрэҕириигэ министиэристибэтин кытта бииргэ «Приоритет 2030» бырагыраама чэрчитинэн ыытар. Бэстибээл-куонкурус өрөспүүбүлүкэ киин куоратыгар кулун тутар 18-23 күннэригэр буолуоҕа.