Сунтаар улууһун делегацията уонна Уһук Илиҥҥи Уокурукка Саха сирин бэрэстэбиитэлистибэтэ Владивосток куоракка ыһыах тэрийдилэр. Муора кытылыгар турар «Юнга» лааҕырга сахалар тоҕуоруһа муһуннулар. Маны тэҥэ, араас омуктар кэлэннэр үтүө үгэһи сэргии көрдүлэр.
Ордук устудьуоннар, байыаннайдар, хантыраагынан сулууспалааччылар элбэхтэр. Оҕолор дойдуларын этин, куһун, кымыһын амсайан күүс-уох ылыннылар, дуоһуйа сынньаннылар.