Өрөспүүбүлүкэбит бастакы президенэ Михиал Николаев көҕүлээбит «Бары уруһуйдуубут» диэн бырайыак көһөрүллэ сылдьар бэлиэтин бэс ыйын 5 күнүгэр Мэҥэ Хаҥалас улууһун үөрэҕириигэ управлениета Үөһээ Бүлүү делегациятыгар, бырайыак координаторыгар Майя Саввинаҕа үөрүүлээх быһыыга-майгыга туттарда.
Бу күн «Бары уруһуйдуубут» флешмоб, маастар-кылаастар, төгүрүк остуол ыытылынна. Төхтүр, Табаҕа, Павловскай орто оскуолаларын көҕүлээһининэн «Кэрэ-Мэҥэ» диэн ойуулуур-дьүһүннүүр искусствоҕа туһуламмыт туристическай пленер-конкурс бырайыагын оҕолор уонна улахан дьон ортолоругар «Дылбаахы кэрэ көстүүтэ» Дьаҥхаады нэһилиэгиттэн саҕаламмыта. Бу кэрэни кэрэхсии үөрэнэргэ, тулалыыр эйгэни, айылҕаны ытыктыырга туһуламмыт бырайыак үс сыллаах.
Бу күн оҕолор уруһуйдарын быыстапката тэрээһини ситэрэн-хоторон биэрдэ.