2021 алтынньы 26-тан сэтинньи 4 күнүгэр диэри Турция Анталья куоратыгар «BEST CHILDREN EURASIA» оҕолорго норуоттар икки ардыларынааҕы кэрэ көстүү уонна талаан куонкуруһа буолла.
Башкирияттан, Кытайтан, Чехияттан, Украинаттан, Турцияттан, Белоруссияттан уонна Россияттан кыттааччылар дойдуларын аатын көмүскээтилэр.
Бу куонкуруска Саха сириттэн Чурапчы улууһун Чыаппара сэлиэнньэтин Г.Д. Протодьяконов аатынан Алаҕар орто оскуолатын бэһис кылааһын үөрэнээччитэ Зоя Дмитриева кытынна.
Сүүмэрдээһин түмүгүнэн «BEST CHILDREN EURASIA» норуоттар икки ардыларынааҕы куонкуруска Зоя «1 PRINCESS of EURASIA-2021» анал аат кыайыылааҕа буолла.