АГИКИ уонна СӨ национальнай библиотеката «Десант исполнителей эпоса Олонхо» бырайыактара бэрэсидьиэн култуурунай көҕүлээһиҥҥэ пуондатын гранын ылла.
Бырайыак чэрчитинэн, айар бөлөх Таатта улууһун түөрт сэлиэнньэтигэр — Харбалаахха, Чычымахха, Дьохсоҕоҥҥо уонна Кыйыга сылдьан олоҥхо кэпсээччилэри видеоҕа уһулуоҕа уонна олохтоохторго олоҥхо иһитиннэриэҕэ. Уһуллубут матырыйааллар olonkho.nlrs.ru сайтыгар угуллуохтара.
«Эпос үгэһинэн, кэпсээччи көһө сылдьан барыларыгар олоҥхотун иһитиннэрэрэ. Ол иһин бырайыак «Олоҥхолоох айан» диэн ааттанар. Ону тэҥэ, бу искусствоҕа эдэр дьону сыһыарарга ыкса сибээстээх», — диэн АГИКИ проректора, бырайыак салайааччыта Зоя Стрекаловская кэпсээтэ.
Бэрэсидьиэн граныгар уопсайа 10 291 сайаапка киирбит, өйөбүлү бырайыак хамаандаларыттан 10/1 ылбыт — бу дойду араас муннугуттан уопсайа 1071 киһи грант ылбыт.