Москваҕа норуоттар икки ардыларынааҕы «Россия» быыстапка-форуму ыытарга бэлэмнэнэллэр. Киэҥ хабааннаах тэрээһин дойду киинигэр ВДНХ-ҕа 2023 сыл сэтинньи 4 күнүттэн 2024 сыл муус устар 12 күнүгэр диэри ыытыллыаҕа.
Дойду экономикатын араас салааларын дьоһун ситиһиилэрин, субъектар бастыҥ уопуттарын сырдатар уонна салгыы норуоттар икки ардыларынааҕы таһымҥа бииргэ үлэлээһиҥҥэ көмөлөһөр сыаллаах улахан тэрээһин буолар. Быыстапка-форумҥа дойду бары субъектара кыттыыны ылыахтара.
«Россия» норуоттар икки ардыларынааҕы быыстапка-форумҥа «Саха сирэ — Олоҥхо дойдута» экспозицияны сүрэхтиэхтэрэ. Манна хас биирдии сылдьыбыт киһи Саха сирин кэрэхсиэҕэ, элбэх саҥаны билиэҕэ.