Ньурбатааҕы судаарыстыбаннай көһө сылдьар дыраама тыйаатырыгар «Һөҕүҥ» диэн саҥа испэктээги көрдөрдүлэр.
Сүрэхтэммит испэктээккэ сүрүн оруоллары тыйаатыр саҥа артыыстара – М.С. Щепкин аатынан үрдүкү театральнай институт алтыс саха устуудьуйатын быйыл бүтэрэн кэлбит оҕолор оонньоотулар.
Саха тылын харыстыыр ис хоһоонноох бийиэсэни Айыы кыһатын 11-ис кылааһын үөрэнээччитэ Анжелина Ильина суруйбут.
Драманы тыйаатыр сүрүн режиссера Алгыс Макаров-Сиэн Мөрөс туруорда.