Нам улууһун уус-уран түмэлигэр Эдуард Васильев төрөөбүтэ 80 сааһыгар анаммыт быыстапка арылынна.
Манна саха норуодунай худуоһунньугун 60-ча сылы хабар уруһуйдара уонна кини уола Дмитрий Васильев үлэлэрэ бааллар.
Намнааҕы оҕо ойуулуур-дьүһүннүүр оскуолатын үөрэнээччилэрэ улуу худуоһунньуктар үлэлэрин көрөн үтүктэннэр өрөспүүбүлүкэтээҕи куонкурус кыайыылааҕынан тахсыбыттара. Оҕолору Агафья Захарова салайда.
Агафья Авксентьевна бу күннэргэ дьоҥҥо-сэргэҕэ анаан натюрморт жанрыгар живопись араас үөрүйэхтэрин билиһиннэрэр маастар кылаас ыыта сылдьар.
