Хайа да омук төрөөбүт тылын билэр, таптыыр, сыаналыыр кэнчээри ыччаттаах буоллаҕына, салгыы сайдар, барҕарар кыахтанар. Тыл – бүтүн норуот баайа, кэлэр кэскилэ.
Ийэ тылбыт барахсан хас эмэ үйэни уҥуордаан, эппитигэр-хааммытыгар иҥэн, өйбүтүн-санаабытын салайан, аныгы кэм сабыдыалыгар оҕустаран, сүтүө-симэлийиэ диэн сахалыы куттааҕы эрэ барыбытын долгутар. Ол эрээри, төрөөбүт тылбыт сүөгэйин-сүмэтин сүтэрбэт туһугар, хас биирдиибит бэйэбититтэн тутулуктааҕы, дьиэ кэргэнтэн саҕалаан оҥорорго кыһаллыахтаахпыт.
«Тыл бэлиитикэтэ хайдах олоххо киирэрий?» — диэн этиигэ биэриини туһаайан ыыттыбыт. Тиэрмини оҥорууга төһө элбэх тэрилтэ, түмсүү ылсан үлэлиирий? Национальнай библиотекаҕа харалла сытар сахалыы тыллаах хаһыаттары сыыппараҕа көһөрүү үлэтэ төһөлөөтө? Итиннэ уонна атын ыйытыыларга сыһыаннаах этиилэри, элбэх санааны иһиттибит, кэпсэттибит.