Саха сиригэр 13 улуус Арктикаҕа сытар уонна уустук суоллаах-иистээх диэн биллэр. Онон бу улуустары олохтоох дьаһалта наадалаах табаардарынан, аһынан-үөлүнэн, оттук ресурсаларынан хааччыйыы сүрүн сыала-соруга буолар. Саха сирин суола-ииһэ уустук буолан таһаҕаһы сыл, балтараа сыл урутаан тиэрдии тыын суолталааҕа биллэр.
Сыллата уу суолунан Арктика улуустарыгар 300 тыһ туонна таһаҕас тиэрдиллэр. Хоту эмтэри тиэрдиигэ субсидия, почта үлэтин тупсарыы, чэпчэтиилээх билиэттэр атыылааһын систиэмэтин тупсарыы, ыраах улуустар уонна нэһилиэктэр уһуйааннарын фруктанан, оҕуруот уонна үүт аһылыгынан хааччыйыы уонна да атын үлэлэр ыытыллаллар.
Анал идэлээхтэр бэлиэтииллэринэн, Хоту тиэйиини таһыы, тиэрдии технологическэй сокуон уонна үбүлээһин өттүнэн ырытан, сигэнэн сайдыахтаах. Онон сиэттэрэн, Хоту улуустарга таһаҕаһы тиэрдии диэн тиэмэҕэ туһаайан биэриигэ дьүүллэстилэр.