Нэһилиэнньэ көҕүлээһинин өйүүр бырагыраама Саха сиригэр үлэлээбитэ 3-с сыла.
Холобур, Горнай улууһун киинигэр Ильмень паамытынньыгын өрөмүөнүгэр (бырайыак 2 мөлүйүөн сууммлаах, мантан 1,5 мөлүйүөнүн өрөспүүбүлүкэ үбүлээбит), итиэннэ култуура уонна сынньалаҥ пааркатыгар оҕо оонньуур былааһааккатын өрөмүөннэтилэр.
Оттон ааспыт сылга Амма улууһун Болугур нэһилиэгэ бу бырагыраамаҕа киирсэн, бөһүөлэк иһигэр уу турбатын тардыыга итиэннэ култуура уонна сынньалаҥ пааркатын өрөмүөннээбиттэрэ.
Бу бырагыраамаҕа олохтоохтор төһө көхтөөхтүк кытталлар? Быйылгы сылга бырайыак олоххо киирэригэр туох уларыйыылар баалларый? Бу туһунан «Талбан» биэриигэ кэпсэттилэр. Эксперт быһыытынан үп миниистирин солбуйааччы Гаврил Алексеев, Мэҥэ Хаҥалас Майатын баһылыга Дмитрий Тихонов, Эбээн Бытантай улууһун Түһэгир нэһилиэгин баһылыга Егор Васильев ыалдьыттаатылар.