ХИФУ «Уран» үҥкүү ансаамбыла Санкт-Петербурка ыытыллыбыт «Сохраняем традиции» VIII норуоттар икки ардыларынааҕы фольклор бэстибээлигэр Гран-при буолла. Бу туһунан үрдүк үөрэх кыһатын пресс-сулууспата иһитиннэрэр.
Сахалар үс үҥкүүнү көрдөрдүлэр. Нюргуна Индеева этэринэн, үрдүк таһымнаах тэрээһиҥҥэ, атын куоракка кыттыылара бастакы сырыылара буолар.
«Ахсынньыга биһиги Folk Art бүтүн Россиятааҕы куонкуруска Гран-при буолбуппут. Билигин норуоттар икки ардыларынааҕы таһымҥа Гран-при ылары ситистибит. Бу биһигини олус үөрдэр, салгыы үлэлииргэ кынаттыыр», — диэтэ кини.
Куонкурус очнай уонна дистанционнай көрүҥнэринэн ыытылынна, Россияттан, Венгрияттан, Турцияттан, Таиландтан, Арменияттан, СНГ дойдуларыттан 40-чэ кэлэктиип кытынна.