Космонавт Антон Шкаплеров, киинэ артыыһа Юлия Пересильд уонна режиссер Клим Шипенко састааптаах «Союз МС-19» салайыллар космическай хараабыла, «Союз-2.1а» ракета үһүс түһүмэҕиттэн араҕыста уонна ыстаансыйаҕа көттө. Бу туһунан ТАСС иһитиннэрэр.
«Союз-2.1а» ракета Москва бириэмэтинэн 11:55 чааска Байконур 31-с былаһааккатыттан ыытыллыбыта. Ыстаансыйаҕа икки эргиирдээх схеманан чугаһыаҕа уонна быһа холоон, үс чаас 17 мүнүүтэ буолуоҕа, «Рассвет» муодулу кытта бу күн 15:12 чааска көрсүөҕэ.
Киинэ артыыһа уонна режиссер техническэй, эт-хаан, уйулҕа бэлэмин космонавтары бэлэмниир кииҥҥэ ааспыттара. Кинилэр куосумаска «Вызов» диэн, космонавт олоҕун быыһыы көтөр быраас дьахтар туһунан киинэни уста көттүлэр. Киинэҕэ Россия космонавтара — Антон Шкаплеров, Олег Новицкай уонна Петр Дубров уһуллуохтара.
Пересильд уонна Шипенко арбыытаҕа 12 суукка устата сылдьыахтара уонна Сиргэ «Союз МС-18» хараабылынан, муус устарга куосумаска көппүт Новицкайы кытта төннүөхтэрэ.