Ахсынньы 12 күнүгэр «Чысхаан уонна К*=Аан дойду тымныытын илдьэ сылдьааччылар» интернетинэн ситим нөҥүө араас норуоттар кыһын уонна тымныы мифологиятын дьоруойдара көрсүөхтэрэ. Бу туһунан Арктическай судаарыстыбаннай үнүбэрсиэт пресс-сулууспата иһитиннэрэр.
«Интернет ситиминэн көрсүү түмүгэр Аан дойду тымныытын илдьэ сылдьааччыларын түмсүүтэ тэриллиэҕэ», — диэн иһитиннэриигэ этиллэр.
Көрсүһүүгэ Саха сириттэн Чысхаан, Улуу Устюг сириттэн Россия Тымныы оҕонньоро, Америкаттан Санта Клаус, Алтайтан Байлу Алтайдын Ээзи, Бурятияттан Саган Убугун, саамнааҕы Мунь Калса уонна Ямалтан Ямал Ири. Араас омук айар бөлөхтөрө, искусство уонна култуура идэлээхтэрэ 37 көрдөрүүнү норуот болҕомтотугар таһаарыахтара.
Интернет ситиминэн сибээскэ тахсыы АГИКИ, «Точка кипения» YouTube-ханаалларын быһа эпииригэр, олохтоох бириэмэнэн 10:00 чааска көстүөҕэ.
Тэрээһиҥҥэ Аан дойдутааҕы Тымныы бэрэстэбиитэллэрэ уонна Тымныыны араҥаччылааччылара Манифестарын иһитиннэриэхтэрэ.
Маны таһынан, бу платформа көрөөччүлэригэр «Тымныы күүһэ уонна кэрэтэ» диэн уруһуйдьуттар аан дойдутааҕы быыстапкалара туруо5а.