Муус устар 2 күнүгэр Дьокуускайга биллиилээх суруйааччы Андрей Геласимов «Жажда» кинигэтэ сахалыы тылынан сүрэхтэниэҕэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.
Андрей Геласимов Саха сиригэр «Сөпкө суруйуу бэстибээлин» уонна «Тотальнай дьыктаан» аахсыйа чэрчитинэн кэлбит.
«Бүтэрбит 21-с №-дээх оскуолатыгар уонна Хотугулуу-Илиҥҥи федеральнай үнүбэрсиэтигэр, ону тэҥэ национальнай библиотекаҕа айар көрсүһүүлэр былааннаналлар. Муус устар 2 күнүгэр «Жажда» кинигэтин сахалыы тылынан сүрэхтэниитэ ыытыллыаҕа», — диэн этиллэр.
«Жажда» — Чечня сэриитигэр эмсэҕэлээбит саллаат туһунан сэһэн буолар.
Бэстибээл муус устар 5 күнүгэр түмүктэнэр. Муус устар 8 күнүгэр Дьокуускайга «Тотальнай дьыктаан-2021» тиэкиһин ааптара Дмитрий Глуховской кэлэрэ күүтүллэр. Дьыктаан бэцэтэ муус устар 10 күнүгэр ыытыллыаҕа.