Бүгүн, ахсынньы 1 күнүгэр киэһэ 18.15 чаастан «Саха» НКИХ ханаалга быһа эфиргэ «Arctic Fashion Show-2020» көстүөҕэ.
«Arctic Fashion Show-2020» өрөспүүбүлүкэ дизайнердарын үлэлэрин көрдөрүү «Кыһын Саха сириттэн саҕаланар» бэстибээл чэрчитинэн ыытыллар.
Тэрээһин сүрүн тиэмэтинэн климат уларыйыытын кэмигэр Арктика норуоттарын үгэстэрин уонна хотугу сир айылҕатын харыстааһын буолар. Сүрүн соругунан Саха сирин модельердарын айымньыларыгар болҕомтону тардыы, кинилэр үлэлэрин дьон уонна мода эйгэтин исписэлиистэрин киэн дьүүлүгэр таһаарыы буолар.
Бырыайыак тэрийээччилэринэн култуура уонна искусство Арктикатааҕы судаарыстыбаннай института уонна СӨ урбааҥҥа, атыыга-эргиэҥҥэ уонна туризмҥа министиэристибэтэ буолаллар.
Быһа эфиири «Саха» НКИХ ханаалыгар, YouTube сирэйигэр уонна мобильнай сыһыарыытын нөҥүө көрүөххэ сөп.