Бүлүү куоратын Петр Староватов аатынан түмэл выставочнай саалатыгар араас быыстапкалар тиһигин быспакка сыл эргиччи ыытылыннылар. Балаҕан ыйын 27 күнүгэр Саха Сирин судаарыстыбыннаһын күнүгэр түмэл иһинэн үлэлиир «Иэйии» кулууп көҕүлээһининэн «Выставка в чемодане» диэн ааттаах быыстапка турда.
Саала ыалдьыттара көрүүлэригэр араас сылларга уонна куораттарга оҥоһуллубут чымадааннар истэрин куорат коллекционердара хас да сыл тухары муспут коллекцияларынан томточчу туолан турарын көрүөхтэрин сөп. Быыстапка ый бүтүөр диэри турара былааннанар.