Олоҥхо тыйаатыра Индия Нагпура куоратыгар «Бхарат Ранг Махотсав-20» бэстибээлгэ Прокопий Ядрихинский — Бэдьээлэ олоҥхотунан «Дьырыбына Дьырылыатта» испэктээги иккис төгүлүн туруорда. Бу туһунан СӨ култуураҕа уонна духуобунай сайдыыга министиэристибэтин пресс-сулууспата иһитиннэрэр.
Испэктээк түмүктэммитин кэннэ көрөөччүлэри кытта конференция ыытылынна, Олоҥхо тыйаатырын төрүттээччи Андрей Борисов бэстибээл тэрийээччилэригэр махтал тылын эттэ уонна Олоҥхо уонна Махабхарата эпостара майгыннаһалларын бэлиэтээтэ.
Көрөөччүлэр саха төрүт тыаһы-ууһу таһаарар инструменнарын уонна кылтан оҥоһуллубут көстүүмнэри сэҥээрбиттэрэ бэлиэтэнэр. Конференция алгыс сиэринэн-туомунан түмүктэннэ.