НВК Саха

Муус устар 5-6 күннэригэр Нам сэлиэнньэтигэр М.К. Аммосов аатынан Култуура уонна духуобунай сайдыы дыбарыаһыгар Россияҕа Дьиэ кэргэн, Саха сиригэр Оҕо саас сылларыгар анаммыт «Тыйаатыр эйгэтэ» II-c улуустааҕы бэстибээл ыытылынна. Күрэскэ 23 оскуола уонна биир эбии үөрэхтээһин тэрилтэтэ кыттыыны ыллылар. Кыайыылаахтар сыаналаах бириистэринэн, харчынан наҕараадаламмыттар. Алын сүһүөххэ Хатыҥ Арыы орто оскуолата гран-при үрдүк аатын сүктэ, Хатырык орто …

Намҥа оскуола үөрэнээччилэригэр «Тыйаатыр эйгэтэ» бэстибээл буолан ааста Читать полностью »

«Бай!» биэрии саҥа таһаарыытыгар Борислав төлөпүөн өрөмүөннүүр мастарыскыай исписэлииһин идэтин баһылаата, Айсен звукорежиссер идэтигэр холонон көрдө.

Ол курдук, 2023 сылга анимация контенын аҥара, 250 мүнүүтэтэ Уһук Илин тахсыбыт. Саха сирин аниматордара 2029 сылга диэри уон төгүл элбэх анимационнай киинэни оҥорор былааннаахтар. Маннык быһаарыы уонна соругу туруоруу өрөспүүбүлүкэ айар-тутар дьонун көмөтүнэн олоххо киирэрэ күүтүллэр.

«Саха сирэ» информационнай биэрии олунньу 3 күнүнээҕи күнүскү таһаарыытыгар көрүҥ: 1. Дьаҥынан, тумуунан ыалдьыы эпидборуогу аһаран, Дьокуускай оскуолаларыгар карантин биллэрилиннэ. 2. Сунтаар Кэмпэндээйитигэр сотору кэминэн Канадаттан бизоннары аҕалыахтара. 3. Үөһээ Бүлүүгэ аан бастакытын түргэн наартаҕа аһаҕас турнир буолла.

Тааттаҕа Былатыан Ойуунускай аатынан Чөркөөх орто оскуолатыгар «Дьиэ кэргэн оҕотунаан бииргэ» диэн куонкурус буолан ааста. Оҕолор «Олох киэҥ муоратынан айан» түһүмэххэ дьикти кэрэ хараабыллар быыстапкаларын туруордулар, дьиэ кэргэнниин бииргэ сылдьан хаартыскаҕа түспүт түгэннэрэ түһүмэххэ олус истиҥник, үөрэ-көтө презентацияларын кэпсээтилэр. Оттон «Оскуола түмэлигэр экспонат туруоруу» түһүмэххэ араас интэриэһинэй маллары аҕалан сиһилии кэпсээтилэр.  

Култуура туйгуна, М.К. Аммосов аатынан ХИФУ культурология кафедратын доцена, хас да кинигэ ааптара, Саха сирин суруналыыстарын сойууһун бириэмийэтин лауреата Владислав Левочкин «Эл иитэ» биэриигэ ыалдьыттаата.

Өрөспүүбүлүкэҕэ кинигэни сөргүтэр уонна үйэтитэр киини арыйалларын туһунан СӨ култуура министиэристибэтин пресс-сулууспата иһитиннэрэр. Үлэһиттэри Россия судаарыстыбаннай библиотекатын пуондатын харыстыыр үөрэҕи ааһыахтара, киини аныгы оборудованиенан хааччыйыахтара. Маннык киин көмөтүнэн кинигэ матырыйаалын өр сылларга харыстыахха сөп буолар. «Саҥа киин көмөтүнэн кинигэ пуондатын хаҥатар, байытар кыах баар буолуо», — диэтэ өрөспүүбүлүкэтээҕи национальнай библиотека дириэктэрэ Саргылана Максимова.

«Кэрэ кистэлэҥэ» биэриигэ айан-сырыы туһунан сиһилии кэпсэттибит, араас саастаах айанньыттар ыалдьыттаатылар. Ону таһынан, аан дойдуга саамай аатырбын Тайланд минин «том ям» диэн бүлүүдэни астаан көрдөрүөхпүт.

Мэҥэ Хаҥалас улууһун Майа сэлиэнньэтигэр биллиилээх композитор, саха тапталлаах ырыаһыта Валерий Ноев аатынан «Мин дууһам ыллыыр» диэн өрөспүүбүлүкэтээҕи ырыа күөн-күрэһэ ыытылынна. Чурапчы улууһун Хатылы эр дьонун «Көмүөл» ансаамбыла гран-при үрдүк аатын ылла. Салайааччы – Екатерина Лыткина. Ону тэҥэ Чурапчы эр дьонун «Төлөн» ансаамбыла үһүс истиэпэннээх лауреат буолла. Салайааччы – Светлана Аммосова.

Өрөспүүбүлүкэҕэ «Култуура» бэрэсидьиэн национальнай бырайыагын чэрчитинэн, уопсайа 27 оҕо искуустубатын оскуолата муусука үнүстүрүмүөнүнэн хааччылынна. 2019 сылга Нерюнгри, Нам, Ньурба, Аллараа Халыма, Орто Халыма, Мэҥэ Хаҥалас уонна Дьокуускай куорат уонна М.Жирков аатынан муусука колледжын үөрэнээччилэрэ фортепиано, пианино, балалайка, скрипка, домбра, баян, гитара, хореографическай станоктары, учебниктары, ноталары, оборудованиены, көмпүүтэр ылбыттара. 2020 сылга Үөһээ Халыма, Үөһээ Дьааҥы, Мииринэй, Амма, …

Саха сиригэр 27 оҕо искуустубатын оскуолата «Култуура» национальнай бырайыагынан хааччылынна Читать полностью »