Ахсынньы 25 күнүттэн Дьокуускай – Аллараа Бэстээх хайысханан кыһыҥҥы айан суола болдьоҕун иннинэ арылынна. Дьиҥэр, былаан быһыытынан, тохсунньу 5 күнүгэр арыллыахтааҕа.
Муус халыҥыттан көрөн онуоха-маныаҕа диэри айаны 4 туоннаҕа диэри ыйааһыннаах көлөлөргө көҥүллээтилэр. Ол туһунан “Вилюй” Упрдор иһитиннэрэр.
Өлүөнэ өрүһү туоруур муус суол 12 килэмиэтир усталаах, икки балаһалаах. Олор хас биирдиилэрэ 20 миэтэрэ кэтиттээх. Суол бэлиэлэрин, информация щиттарын туруорбуттар. Киириигэ уонна тахсыыга күнүстэри-түүннэри суол сулууспатын анал үлэһиттэрэ үлэлиэхтэрэ.