Балаҕан ыйын бүтүүтүгэр Приморье киинигэр Владивостокка 24-с Уһук Илиҥҥи «Бэчээт тиэргэнэ-2023» кинигэ быыстапка-дьаарбаҥката ыытылынна.
Тэрээһин аһыллыыта Дьоппуон муоратын биэрэккэ Муравьева-Амурскай тумул арыыга МГУ Уһук Илиҥҥи муоратааҕы дьарыктанар киинигэр балаҕан ыйын 28-30 күннэригэр буолла.
«Бэчээт тиэргэнэ-2023» быыстапка-дьаарбаҥканы кыраайы үөрэтэр култуура уонна архыып дьыалатын миниистиэристибэтэ, А.М. Горькай аатынан Приморскайдааҕы публичнай библиотека, Уһук Илиҥҥи регионнааҕы үөрэтэр-методическай киин уонна «Русский остров» издательство тэрийдилэр.
Тэрээһиҥҥэ дойду араас регионнарыттан кинигэ таһаарааччылар, ааптардар, дизайнердар кыттыыны ыллылар, ону тэҥэ кинигэни таптааччылар эмиэ сылдьыбыттар.
Быыстапка-дьаарбаҥка иккис күнүгэр кыраайы үөрэтэр култуура уонна архыып дьыалатын миниистиэристибэтэ тэрийбит Матвеевтар ааттарынан VI ыытыллар куонкурус кыайыылаахтарын быһаардылар.
Дьокуускайдааҕы киин библиотека «Имена на улицах Якутска» библиографическай справочник 4-с таһаарыыта «Лучший просветительский проект библиотеки» анал аакка кыайыыны ситистэ.