Дьокуускайга алтынньы 17-20 күннэригэр Россия норуоттарын муоһунан кыһыы искусствотын алтыс бэстибээлэ ыытыллыа. Бэрэсидьиэн граннарын пуондата өйөөн, бэстибээл тэриллэр. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.
Муосчуттар, муос оҥоһуктар тэрилтэлэрэ, Россия регионнарыттан уус-уран быһыы кииннэрэ, национальнай-культурнай кииннэр, норуот айымньытын дьиэлэрэ, айар түмсүүлэр, научнай уонна үөрэх тэрилтэлэрэ, уопсастыбаннай тэриллиилэр, Данияттан муос оҥоһук тэрилтэлэрэ, дойду 13 регионуттан уонна Саха сирин 13 улууһуттан уонна Дьокуускайтан кытталлара күүтүллэр.
Саха сиригэр сэлии муоһун аан дойду үрдүнэн 85-90% саппааһа баара биллэр. Өссө 18-с үйэҕэ Саха сирин маастардара муоһунан кыһан атыылыыллара.
Франция, Германия, Кытай, Япония быыстапкаларыгар куруук араас наҕарааданы ылаллар.