2021 сыл алтынньытыгар киин куоракка нуучча тыйаатырын биллиилээх артыыһыгар Валентин Антоновка пааматынньык туруоруохтара. Бу туһунан СӨ култуура министиэристибэтин пресс-сулууспата иһитиннэрэр.
Ааптар толкуйунан, тыйаатыр ыскамыайкатыгар олорор артыыс уобараһа ойууланыаҕа. Хас биирдии киһи аттыгар олорон хаартыскаҕа түһүөн сөп.
«Валентин Дмитриевич биһиги тыйаатырбытыгар 40-тан тахса сыл үлэлээбитэ, бу сыллар усталарыгар хас да көлүөнэ талааннаах артыыһы иитэн таһаарбыта. Бу испиктээкил кэнниттэн тыйаатыр уулуссатыгар тахсыбыт фронтовик, артыыс уобараһа буолуоҕа», — диэн тыйаатыр дириэктэрэ уонна художественнай салайааччыта Александр Лобанов кэпсээтэ.
Пааматынньыгы сэбиэскэй уонна российскай скульптор Галим Долмогомбетов оҥоруоҕа.