Куонкурус муус устар 12 күнүгэр Ю. А. Гагарин аатынан култуура уонна аныгы искуустуба киинигэр буолбут. Бастакы космонавт Юрий Гагарин төрөөбүтэ 90 сылыгар анаммыт.
Кыттааччылар хас да түһүмэҕи ааспыттар: өркөн өй, айар түһүмэх уонна киэһээҥи таҥаһы көрдөрүү. Маны таһынан, кыттааччылар туспа сыаналанар видео-визиткалары көрдөрбүттэр.
Уопсайа 28 устудьуон өрөспүүбүлүкэ 17 профессиональнай үөрэх тэрилтэлэриттэн кыттыыны ылбыт. Тутаах экспертэр уонна дьүүллүүр сүбэ чилиэннэрэ Саха сирин биллиилээх уонна үтүөлээх үлэһиттэрэ, ону тэҥэ ааспыт сыллар кэрэ аҥардарын өрөспүүбүлүкэтээҕи уонна бүтүн Россиятааҕы куонкурстарын финалистара кыттыыны ылбыттар.
ХИФУ тыл факультетын суруналыыстыка салаатын үһүс кууруһун устудьуона Диана Антонова суруйда.
Виолетта Алексеева түһэриитэ