Эбээн Бытантайга эбээн тылын уонна култууратын бэстибээлэ ыытыллар — НВК Саха

Кулун тутар 30 күнүттэн муус устар 3 күнүгэр диэри Эбээн Бытантай Баатаҕай Алыыта сэлиэнньэтигэр өрөспүүбүлүкэтээҕи эбээн тылын уонна култууратын бэстибээлэ буола турар.

Тэрээһиҥҥэ Аллайыахаттан, Аллараа Халыматтан, Булуҥтан, Үөһээ Дьааҥыттан уонна Эбээн Бытантайтан 300 кэриҥэ киһи кыттар.

Бэстибээл үөрүүлээх аһыллыытын кэннэ төгүрүк остуолга Аллайыаха, Булуҥ, Аллараа Халыма уонна Эбээн Бытантай бэрэстэбиитэллэрэ эбээн тылын уонна култууратын харыстааһын, сөргүтүү туһунан ырыттылар.

Ону тэҥэ, бэстибээлгэ «Өбүгэ ураты култуурнай нэһилиэстибэтэ – «Аянесса» этно-фольклорнай ансаамбыл репертураны сүрүн чааһа» босуобуйаны сүрэхтээтилэр. Кинигэҕэ эбээн култууратын уонна тылын киэҥ эйгэҕэ тарҕатар практика, оҕолору духуобунай үгэстэргэ сыһыарыы туһунан суруллубут.

Кинигэ быыстапкатыгар «Хотугу дойдубун хоһуйабын, киэн туттабын» олохтоох ааптардар айымньыларын кытта билсиэххэ сөп. Ону таһынан, «Хотугу дойду оҕолор харахтарынан» быыстапкаҕа ыалдьыттар оҕолор оҥорбут уус-уран оҥоһуктарын көрүөхтэрин сөп.

Бу күннэргэ «Миргилан» өрөспүүбүлүкэтээҕи уус-уран оҥоһуктар, «Арктика дылганни» хотугу ырыалар күрэһэ, «Ьээдьэ», «Таба симэхтэрэ», «Көс дьиэ кэргэн-2023»

«Нод асатканни» хоту кэрэ аҥардарыгар күрэстэр буолуохтара.

Бэстибээлгэ хотугу норуоттар төрүт таҥастаах сэлэлээн хаамыахтара уонна театрализованнай дьүһүйүү көрдөрүөхтэрэ.