Горнай улууһугар Августина Филиппова айан таһаарбыт, тикпит ураты кэрэ көстүүлээх көстүүмнэрин уобарастарын толору тиэрдэр сыалтан интерактивнай быыстапка арылынна.
Көрөргө-истэргэ табыгастаах буоллун диэн
аныгылыы информационай технологиянан ситэриллибит. Онон хас биирдии уобарас оһуорун, оҕуруотун инниттэн-кэнниттэн эргиччи көрүөххэ, хайдах айыллыбытын, суолтатын туһунан баай ис хоһоонноох историяны истиэххэ сөп.
Бу барыта Августина Николаевна айар үлэтин үйэтитиигэ уонна кэнчээри ыччакка тириэрдиигэ туһуланар.
