Горнай улууһугар Мэхээлэ Дьөгүөрэп аатынан сынньалаҥ киинигэр Бэрдьигэстээх норуодунай тыйаатыра 55 үбүлүөйдээх сылын көрсө «Киһини туох киэргэтэрэ» диэн кэмиэдьийэҕэ музыкальнай испиктээк туруорда.
Көрү-нары көҕүлүттэн туппут тыйаатыр сыанаҕа аан бастакытын оонньуу тахсар артыыстарга сүрүн оруоллары итэҕэйдэ.
Елизавета Мартынова туруорбут Суорун Омоллоон «Киһини туох киэргэтэрэ» диэн кэмиэдьийэ музыкальнай испиктээги Бэрдьигэстээх норуодунай тыйаатырын сүрүн артыыстара, «Эҕэрдэ» ырыа-үҥкүү кэллэктиибэ, «Айыллаана» вокальнай ансаамбыл кэрэ куолатсаахтара тупсаран, киэргэтэн биэрдилэр.